«Ас атасы-нан» Тәрбие сағаты Тәрбие сағатының мақсаты
|
«Ас атасы-нан» Тәрбие сағаты Тәрбие сағатының мақсаты: Нанның дастарханға қалай келетінін, оған көптеген адамдардың еңбек сіңіретінін түсіндіру. Еңбек адамдарын сыйлай білуге, қасиетті тағамымыз нанды қастерлеуге үйрету. Көрнекілік: Сюжетті суреттер. Астық дақылдары. Нанның түрлері. Нан туралы жазылған мақал-мәтелдер. Жұмбақтар. Плакатқа жазылған өлеңді оқу. Ардақты нан! Ана мінез асыл нан, Жеп үйренген жаным сүйіп жасымнан. Бір күлшеңді мың есе артық дер едім. Бар дүниенің інжу, гауһар тасынан. І Көрініс: Балалар далада ойнап жүр. Қолында наны бар үйден Берік шықты. Ол нанын жеп тауыспай, лақтыра сап балалармен ойнауға жүгірді. Оны көріп қалған Гүлнұр: -Берік, нанды лақтыруға болмайды, - деді -Біздің үйде нан көп, қаласам басқасын жеймін,-деді Берік. -Сен олай деме, сен өзің нанның дастарханға қалай келетінін білесің бе? «Нан дастарханға қалай келеді?» 1.Желкілдеген желменен, Жерді егін тербеген. Өсіреді дихандар Тамшылаған терменен. 2.Кең жазира теп-тегіс, Тербеледі нұрланып. Толқындаған көк теңіз Егін жатыр ырғалып. 3.Көзді тартып қиырдан, Көңіліңді ашады Күн нұрына тойынған Кере қарыс масағы. 4.Комбайыншы ағайым, Орады егіс жайқалған. Атанып жүр әрдайым Еңбек ері майталман. 5.Дала біткен жайдары, Құлпырыпты, түлепті. Ақ бидайды айдарлы Жапан түзге кім екті? 6.Дихан бабаң екті де, Еңбектен еш қашпады. Алдыңа кеп төкті де Ақ нанды үйіп тастады. Сюжетті сурет арқылы әр оқушыны жеке-жеке сөйлете отырып нанның, дастарханға тек қана еңбек арқылы келетінін түсіндіру. Гүлнұр: Нан болмаса бағыңның кетері бар, Нанмен ғана өмірдің өтері бар. Жолда жатса егер де бір үзін нан Арланбай-ақ сен оны көтеріп ал. Берік кешірім сұрап былай деді: Елді ырысқа бөлеген, Ән-өмірің, ән-өлең. Ержеткен соң жер жыртып Егін салып, дән егем. -Балалар, күнделікті жеп жүрген нанның қаншама түрі бар екенін білесіңдер ме? -Нанның 200-ден астам түрі бар екен. ІІ Көрініс: «Қуыршақ пен бауырсақ». Автор. Қуыршақ. Бауырсақ. Дастарханда шашылып Жатты аппақ бауырсақ Бауырсаққа қызығып Қарап тұрып көзін сап: -Қайдан келдің бауырсақ?- Деп сұрады қуыршақ. -Дүкеннен келдім нан сатқан -Наубайдан келдім нан жапқан. -Наубайға келдің қай жақтан? Диірменге келдің қай жақтан? -Диірменнен келдім ұн тартқан Даладан келдім жан-жақтан. Жер-анам менің көсілген Дихандар мені өсірген Арғы жағым ақ бидай Тәттімін жеп көр бақшимай. Жесең өзің байқарсың Рахметіңді айтарсың. Тәрбие сағатын қорыту. Жұмбақтар шешу. 1.Ұзын мұртты сарылар, Қойнында наны бар. (Бидай) 2.Асты-тас, үсті тас, Ортасында піскен ас. (Таба нан) Ақмола облысы Зеренді ауданы Березняковка орта мектебінің «Арман»шағын орталығы Тақырыбы:  (тәрбие сағаты) Өткізген:Рашатхан Гуля 2013 жылы |
